– Ja, ja – narzyko Palicula – terozki to ino do mie godosz „staro” choćbyś mojego miana zapómnioł, a zanim żeś semie wzioń Toś mie na rynkach nosił i nazywał „swojóm królowóm”.
– Dyć, staro, musisz to zrozumieć, że jo żech się stoł dobrym republikaninem, a kiedyś żech był monarchistóm...
Najważniejszy dobry cel
Jedyn stary niymrod* co sie chwolił, że chodził na raubcziczka*, łosprawioł*:
– Ida, patrza, a na kraju lasa stoji sornik*. Cyluja, szczylóm, a łón nic! Podlazuja bliżyj, cyluja, szczylóm, a łón dalij stoji. Toch podloz na dwa metry; cyluja, szczylóm, a sornik stoji jak stoł...
– To jest niymożliwe, takie coś – zaczynajóm fantować* sie ci, kierzy słuchali.
– Ja, to jest prawda, bo jo sie potym dowiedział, że tyn sornik był blank głuchy!
Dobry zwyczaj...
– Panoczku, pożyczejcie mi 20 złotych – zaczepio na dródze jedyn miglanc* obcego chopa.
– Dyć jo wos niy znóm – bróni sie chop.
– Bez to do wos przychodza, bo jak byście mie znali, to na pewno niy chcielibyście mi nic pożyczyć!
niymrod – fajtłapa
raubcziczka – kłusowanie
łosprawioł – opowiadał
sornik – sarna
fantować – protestować
miglanc – cwaniak, oszust
