Piana jest radością piwa, frywolność jest solą dowcipu

Dwóch kamratów poszło na plaża dlo naturystów.

Jak sie poseblykali, pokozało sie, że jedyn śnich je tam piyrszy roz.

– Musisz se gibko uopolić to co mosz biołe i to tak, coby żodyn niy widzioł, bo podpadniesz i cie stónd wyżynóm. Jo cie całego zasuja pioskiym, ino tyn interes ci wystawiymy na wierch.

Tak tyż zrobili.

Nogle znodły sie tam dwie starki na szpacyrze.

Ta jedna tak zaglóndo i pado do tyj drugij: – Ty, Cila, eli by ci to niy był sztyngel uod chopa? Drugo prziszła bliżyj, przipatrowo sie, głowóm krynci, uznowo, noreszcie pado: – Ja, ja Lyjna, to je sztyngel uod chopa.

– Ty, Cila, podziwej sie inoś; jak żech była za panna, to żech uo tym po nocach myślała, po ślubie, co jo sie tym nabawiyła, jak mi chop umar, to wiela jo sie tego naszukała i dziwej sie, terozki to tukij dziko rośnie, a jo sie schylić niy poradza...