Witóm piyknie a uo to jakeście głosowali sie niy pytóm. Przipómna Wóm ino jedna móndrość: „Każdy naród ma taką władzę, na jaką sobie zasłużył”.
Idzie pedzieć, że ludzie wybiyrajóm „na obraz i podobieństwo swoje”. Znakiym tego (czyli) mynij wiyncyj ćwierć norodu podano (podobna) je na Komorowskiego, trocha mynij – ale ino troszka – na Kaczyńskiego, nikierzi na tych 8 co uostauo, a praje połowa na nikogo niy je podano (do nikogo nie jest podobna) – to sóm ci, kierzi niy głosowali.
Możno ciynżko je znolyżć takiego, na kierego we stu procentach chciałoby sie być podanym. Ale jo wiym na kogo na pewno podany bych niy chcioł być! Jak wóm tyż to niy je jedno, to w niedziela bydziecie mieli możność to pokozać! Jak tego niy zrobicie, to niy dziwcie sie potym niczymu. Bo: „Każdy naród ma taką władzę, na jaką sobie zasłużył”.
Kóniec polityki. Bajtle (dzieciaki) szkoła skóńczyły. Terozki feryje!
