– Niy wiysz, czy Porwolik mioł wczora szczęście na gónie*?
– Szczęście mioł pierónowe. Nic niy trefił.
– I ty godosz, że to je wielgie szczęście?
– Nó ja. Jakby trefił, to by z tego mioł ino ostuda*. Bo łónymu jeszcze niy zdarzyło trefić do zwierzyny, a dycki* do keregoś synka co naganio...
– Czymu mi sie tak ciekawie przyglondosz? – pyto się Gafczoczka swojigo chopa.
– Bo sie mi tak podobosz, jak mosz gymba zawrzito.
Kubiczkula sie rano obudziła i ujrzała, że jej chop, zamiast w łóżku, leży wedle łóżka na delówce.
– Stary – szarpie go baba. – Cóż to, niy czułżeś, jakeś ślecioł z łóżka na ziym?
– Ja, wiysz – próbuje zebrać myśli zaspany chop. – Jo żech słyszoł, że cosik spadło i narobiło larma, ale żech tak twardo społ, że mi sie niy chciało obejrzeć, co tyż to było...
– Ty, siaro – odzywo sie chop do swojij baby. – Musza se kupić nowy paryzol, bo tyn stary to sie już niy godzi.
– Nó dobrze – odpowiado szporobliwo* baba. – Ale w doma to Ci jeszcze tyn stary styknie...
niymrod – fajtłapa
raubcziczka – kłusowanie
łosprawioł – opowiadał
sornik – sarna
fantować – protestować
miglanc – cwaniak, oszust
