Zgłoszenia można przesyłać do 20 września br. na adres:
Bronisław Wątroba
skr. poczt. 6
41-706 Ruda Śląska.
Pomysłodawca konkursu fraszki śląskiej przesłał nam regulamin poetyckiej rywalizacji. Bronisław Wątroba pisze:
Sowizdrzoła Konkurs Fraszki Ślonski - II edycjo
Sława Sowizdrzoła na Ślonsku niy mijo
Konkursowi fraszki istny patronuje
Nabrojić poradzi - dyć niy tragedyjo
Ze szpasu sie czowiek tyż przeca raduje.
Regulamin konkursu
1. Autorow se prosi ło trzi ślonske fraszki
Na papiorze jeszcze niy publikowane
Niych jako sztrachecle bydom wele draski
Zapolisz we ćmoku - zdo ci sie że ranek.
2. Wersow w tym być może tuzina połtora
Trzi fraszki - trza wszyske rachować cuzamyn
Dyć niy robcie zy mie skiż tego potwora
- Zdo mi sie co słysza kajsik teroz lamynt.
3. Autor pseudonimym niych wersy podpisze
Do brifu dołoży kartka ze adresym
Niy musie tym strachać - niy grozi skrynt kiszek
Zgrzysza przeciw czymuś - mie ześlom na Kresy.
4. Dejcie yno pozor jako rym szrajbować
Godka ciyngym niy jest skodyfikowano
Toż polske literki zalycone dować
Chocioż mo Sowizdrzoł tyż niymiecke miano.
5. Niym wrześniowi stuknie tyn dwudziesty dzionek
Przesyłka na skrytce sie znolyźć już musi
Kero udostympnio już Wontroba Bronek
Za co go pewnikym żodyn niy udusi
6. Z piyrszym paździyrnikym w łostatnim terminie
W \"naszy-klasie\" fraszki bydom pokozane
Tako już zablysnom tyż ślonski dziedzinie
Jak słonko zaświycom choć poźniyj już ranek.
7. Potym z \"klasowiczow\" kto chce zagłosuje
Na piontka autorow punkty dyć rozdzieli
Łod jedyn do piyńciu - tako forsztelujesz
Piontce kożdy miejsce w konkursie wyścieli.
8. Cuzamyn te punkty bydom zrachowane
Kto wygro se tako klarownie pokoże
Jak przidzie listopad już to bydzie dane
Sowizdrzoł patronym toż wszysko być może.
9. Do regulaminu trza jeszcze coś dodać
Głos ważny \"profilu\" co jest \"niyfikcyjny\"
Toż teroz przibijcie już graba na zgoda
Coby mi skiż tego włos niy zlecioł z myjny.
Polecane
Historia
Emigranci za chlebem. Niezwykłe losy polskich górników we francuskich kopalniach
Trudno dzisiaj oszacować, ilu Ślązaków i Zagłębiaków wyjechało przed drugą wojną światową do pracy we Francji. Ich ciekawe historie warte są zachowania.
