W sklepach już we Zaduszki lampki na groby zaczyny sie miyszać ze lampkami na choinka. Tyn czerwóny, przerośniynty cudaczny krasnoludek, kiery udowo Mikołoja, już łazi z tym swoim: Ho! Ho! Ho!
I wcisko ludzióm bele co na prezynty, co przeważnie do świónt uokoże sie niy takie, jak miało być i trza bydzie jeszcze pora razy kapsóm (kieszenią) ruszyć. W USA – skónd ta usmolono moda dó nos idzie – dowajóm prezynty razym ze rachunkami. To zaroz na drugi dziyń po Świyntach (a jest u nich ino jeden dzień Świąt) ludzie we sklepach uoddowajóm te prezynty, kiere im sóm niy potrzebne.
Możno to by sie u nos tyż przydało, ale widza, że u nos przijmójóm sie przeważnie te mynij praktyczne mody. Prowda je tako, że jak sie człowiek przez przeszło półtora miesiónca nałoglóndo tych christmasowych (z naciskiem na: „masowych”) gupot, nasłucho kolynd po angielsku, niymiecku i polsku na discopolowo, hajmatowo, rokyndrolowo ludowo i pierón wiy jak jeszcze, to mu sie prawdziwych Świónt uodechciywo.
A że gupota je zaraźliwo jak świńsko grypa, to tyż pokazuje sie kaj może. Spómiarkowoł żech (zauważyłem), że Barbórka tyż zaczyno sie uostatnimi czasy w połowie listopada, a kóńczy w połowie stycznia. Tóż niy wiym, czy tydziyń tymu, czy jeszcze dzisioj niy musiołbych skłodać berkmónóm (górnikom) życzyń. Ale myśla, że barbórkowe już były, a ze świóntecznymi doczkóm na jejich czas!
Prąd
Energetyczna spółka ogłosiła przetarg na 22 magazyny energii
PGE Energia Odnawialna ogłosiła postępowanie przetargowe na wybór generalnego wykonawcy dla 22 rozproszonych magazynów energii o łącznej mocy 111 MW i pojemności 260 MWh - poinformowała spółka w komunikacie prasowym.
