fot: Bronisław Wątroba
Wystawa jest jednym z elementów obywatelskich obchodów 60-lecia praw miejskich Rudy Śląskiej
fot: Bronisław Wątroba
"Rudzianie 60-lecia w filatelistyce i karykaturze Marka Wacława Judyckiego" - to tytuł wernisażu, który odbędzie się we wtorek, 8 stycznia, o godz.17.00 w halemskim Dworku Donnersmarcka, obecnie Filia nr 18 Miejskiej Biblioteki Publicznej - poinformował portal netTG.pl Bronisław Wątroba.
Wystawa ta jest jednym z elementów obywatelskich obchodów 60-lecia praw miejskich Rudy Śląskiej. Organizatorami wernisażu są: Marek Wacław Judycki, Adam Podgórski, Bronisław Wątroba we współpracy z Miejską Biblioteką Publiczną w Rudzie Śląskiej - Filia nr 18 i Polskim Związkiem Filatelistów Oddział Ruda Śląska.
Bronisław Wątroba to rudzki kolekcjoner, animator śląskiej kultury i literat. Jego kolekcjonerskie pasje dotyczą głównie numizmatyki i falerystyki. Szefował nieistniejącemu już obecnie Klubowi Kolekcjonera w Rudzie Śląskiej. Jego kolekcja śląskich notgeldów w latach 1998-2012 r. prezentowana była szeroko w województwie śląskim i opolskim (około 150 wystaw). Za popularyzację numizmatyki śląskiej poprzez działalność wystawienniczą nagrodzony został medalem im. Juliusza Mękickiego.
Poniżej prezentujemy oryginalne zaproszenie na wernisaż w gwarze śląskiej, które portal netTG.pl otrzymał od rudzkiego kolekcjonera:
"Na te szejśćdziesiyńciolecie
Roztomiyli moji, tako ty naszy Rudzie Ślōnski trefiyło, iże latoś ze poczōntkym stycznia klupło już prawie 60 rokōw prow miejskich. Ja, dlo czowieka to dość wiela a dlo miejski dziedziny mało, dyć przeca pomyńsze sztele, kere te nasze miasto pokuplowało, sōm tyż dużo starsze. Niy ma jednak co sie tym tropić, trza prawie radować iże żyjom ludzie kierzy te wszyske miejske roki pamiyntajōm.
Jo, na tyn przikłod, poczynty żech bōł we mieście Nowy Bytom, a urodzioł żech sie już we Rudzie Ślōnski. Wszysko dzioło sie we tym samym familoku, bo przeca wtedy jeszcze po dōmach łaziyły hebamy. Tōż kej już żech ô tym prawie szkryfnōł, rachuja iże niy bydziecie sie dziwać tymu, co medykuja jako mi we tym roku przidzie fajrować te 60 lot miejskości. No, niy wiym jako forsztelujōm sie to we magistracie i co prawie naszo władza samorzōndowo chce skiż tego nōm przyrychtować. Jakesik kōncepty jednak i mie łażōm po gowie, kej przeca na muster jednego ze królów zowdy godōm ofyn iże „Ruda Ślōnsko to… tyż jo”.
Kej fajrowali my 10 rokōw tymu „Abrahama”, to prawie wtedy ustanowiōny zostoł medal „Kamrata Rudzkiego”. Tōż mono latoś we magistracie przyrychtowaliby na tyn przikłod fajnisty dyplōm ô tytule „Rudzianin 60-lecia”, kery by bōł prziznany we tym roku 600 zocniejszym mieszkańcōm miasta. Nojlepi jakby jeszcze taki dyplōm tajlowoł sie na trzi zorty. Ze złotymi literami dlo tych kierzy sōm mieszkańcami nojmniyj 60 lot, ze srybrnymi dlo tych kierzy miyszkajōm tu nojmniyj 40 lot i ze brōnotnymi dlo tych kierzy majōm choć te 20 lot „stażu”. Ja, szłoby tyż druknōńć ze 60 dyplōmōw hōnorowych, dyć to już inkszo inszość.
Roztomiyli, po prowdzie to jo sōm ôd sia tyż chca jakosik pofajrować, tak obywatelsko. Terozki prawie we modzie sōm „miesiyncznice”, tōż byda fajrowoł co miesiōnc, wele dnia łōsmego, boch sōm sie urodziōł we „Dziyń Zwyciynstwa”. Zowdy by bōł to jakiś wernisaż wystawy, tref autorski abo inkszo impreza (yno we lipcu bych spauzował). Sztartna ze tym prawie 8 stycznia wystawōm ô tytule „Rudzianie 60-lecia w filatelistyce i karykaturach M.W. Judyckiego”. Wystawa ta je we halymbskim Dworku Donnersmarcka abo inaczej MBP – Filia nr 18. Zaproszōm wszystkich do kukniyńcio tam we godzinach ôtwarcio bibljotyki, do kōńca stycznia.
A mono wy mocie jakesik fajne obywatelske kōncepty na uczczynie tego ôkrōngłego gyburstagu naszego miasta? Je żech ich ciekow.
Bronisław Wątroba"
