Witóm Wos piyknie i ciepło, bo je durś zimno. Jo już móm plynkściyrze (pęcherze) na pazurach uod tego uodciepowanio śniega. Nó, może niy aż tak, ale byłoby już tego naprowdy dość.
Jo terozki dziepiyro (dopiero) rozumia tego Eskimosa, kiery coś bez 20 lot (około 20 lat) zbiyroł piynióndze, coby se pojechać kajś, kaj jest ciepło. A jak już zebroł za tela (wystarczającą ilość), to sie wybroł na Floryda.
Już we fligrze (samolocie) przeblókł (przebrał) sie do krótkich galotków (szortów) i koszuli z krótkim rynkowym, a cołki czos myśloł se jedne: ciepło, ciepło, noreszcie ciepło! Na Florydzie synek cołkim uogupioł; kuloł sie po piosku na plaży, uod patrzynio za dziołchami w badykostimach (strojach kąpielowych) mało co zeza niy dostoł i niywiela brakowało, a uod słóńca dostołby szlagu (udaru). Ale sie spamiyntoł, że musi pomału nabadać (przyzwyczaić się) do gorónca i noreszcie poszeł do szynku (baru), kaj zdarziła sie (odbyła się) miyndzy nim a szynkiyrzym (barmanem) tako godka (rozmowa).
Barman: – Słucham szanownego Pana, czym mogę służyć?
Eskimos: – Jedną whiskey proszę.
Barman: – Z czym podać, może z lodem?
Eskimos: – Ani mnie nie wk... aj!!!
Wyboczcie mi to, co uón pedzioł, a czego jo w tak cołkiym niy napisoł, ale rozumicie, co borok (biedaczek) móg poczuć! Pra? (Prawda?) Tóż wytrzimejmy jeszcze trocha! Bo czy mómy inksze wyjście? Nó, cheba że na Floryda. Ale pamiyntocie; Eskimos zbiyroł na to piynióndze bez 20 lot. A my?
